نقّارون

جامعة صنعاء طلع معاها ايميل.
تصدق أول مره أعرف يا أحمد جامعة صنعاء ايضا طلعت مزايده كذاك !! ياجامعة صنعاء الكريمة النبيلة. الطالب الامريكي استيف الذي بيفصل من جامعة كولومبيا لاتفتكروه عمر ولا ناجي الذين درسوا بمبنى قديم متهالك سموه كلية الاعلام وكنا خائفين بحالة طوال دراستنا من ان يسقط ويتهدلق لفوق رؤسنا. تريد روبن واستيف يدرسوا عندك. مامعاكم للجنان والركضه . وبعدين اسمعوا على خبر فارغ ،يوزعوا مقاعد وتخصصات للذين بيفصلوا داخل امريكا. ومن حق من؟ من حق الطلاب اليمنيين الكادحين الذي يتم رفضهم كل عام من الدراسة بالجامعة وباالمئات وبسبب الرسوم والوساطات والبيع الشراء للمقاعد الجامعية.
ياموقف انساني خلي المقاعد لليمنيين. والطلاب والاكاديميين الأماركه والغرب اذا فصلوا بسبب موقفهم النبيل مع فلس... هم لايريد مقابل عن مواقفهم ولت لا يريدون تعويض منكم في جامعة حالة امها حالة.
ياجامعة صنعاء فقط وفروا ماء ومقاعد وسكن ومعامل وخفظوا الرسوم، ورمموا مباني الكليات ،ووفروا قاعات ومواصلات للطلاب ورواتب للاكادميين وكثر الله خيركم . كل سنة تخرج لنا جامعة صنعاء بنثرة . 
العام الماضي نثرة منع وفصل الخريجين من الاحتفال مع اقاربهم وامهاتهم. والسنة يوزعوا مقاعد. وهكذا النثرات.